Rasgulla - Ramthinghlimi Bungsut

Rasgulla siam ang aw
Mamawh te
Bawnghnute 1 liter
Ser tui 2 tablespoon
Chini no 1
Tui no 4

A siam dan
* Bawnghnute mei sang lutuk lovah chhuang so rawh. A mawng a kan loh nan chawh zeuh zeuh tur.
* Ser tui chu tui lum thirfian lian hnih nen chawh pawlh la, bawnghnute soah chuan zawimuangin leih lut rawh. Bawnghnute tihchhiat rei zawng hi a pawimawh em em, minute 3 chhung vela tihchhiat hman tum tur.
* A tak leh a tui a inthliarhran fel hunah puan pan deuhah a tui thlit hul tur. Sawr fu deuh hnuah minute 10 vel khai vang vanga a tui far zawh tir tur. Hul si ro silo a ni tur a ni.
* Heti hian paneer kan nei ta. Paneer chu uluk deuhvin a mù hruih reh thlengin hmeh tur.
* inche 1 bial velin hrual mum tur. A khi awm lova hrual tur, chuti lo chu chhum hunah a keh duh.
* Tui chhuang so la, chini telh rawh le
* Chini a sawm kim hunah I hrual mum sa chu thlak rawh.
* Pressure cooker I hman chuan vawi khat a rawn phissss hunah mei tihniam la, minute 5 dang ur leh rawh. A hmin veleh cooker hawn zui nghal tur. Bèl/dekchi a chhum nan I hman chuan minute 15 vel chhum tur. Chhin phui bawk tur.
* A size hi a léta a rawn puar dawn avangin a chhumna bel kha a lian tawk tur a ni.
* Dah daihin a ei theih a ni mai. Fridge-a dahin a rei hnuah a tui lehzual.
* Duh thlum deuh leh chini telh tam mai tur. Chini tui hi dah thatin a hman leh theih.
Original post