Tumbu Pickle - Ramthianghlimi Bungsut

TUMBU PICKLE
Mamawh te:
Tumbu - 2 lian deuh
Chhibung var chi - no 1
Hmarcha ro her sawm - no 1
Tel - no 1 1/2
Purun var her sawm - no 1/2
Sawhthing - tlem
Tui no 1
Pickle Masala - thirfian lian 2
Chi - a al tawk
Ajino - duh zat zata tel theih, duh loh chuan telh lo theih

A siam dan:
Tel chhuan satah purun var hersawm kha thlak tur. Rei vaklo chhuan hnuaah hmarcha thlak tur. Chuan tui leih nghal tur. Tui a kang dawn hnaihah chhibung her dip sa hi tel tur. Tui a kang thlengin chhuan tur, hmarcha hi a in kang mut tur erawh a nilo. Tumbu kheha a hranin tui nen chhum so bawrh bawrh tur. A tui thlit hula a hrana kan tur, a tui hil thlengin kan tur. A tawpah Pickle Masala, chi, ajino te nen chawhpawlha kan leh tur. A tui hil that thlenga kan chuan rei tak fridge-ah a dahthat theih. Duh chuan Vinegar a vawn that nan leih theih a ni. Um leh pawh a ngai chuang lova, a ei theih nghal a ni mai.
Tumbu aiah hian bawngsa, mautuai, tawkte, hmarchapui etc pawh a hman theih. Pickle dangah a chang leh mai.

Original post